Ինչպես փոխել կայքի լեզուն
Ինչպես փոխել կայքի լեզուն
Uteach-ի օգտագործման առավելություններից մեկն այն է, որ այն թույլ է տալիս նաև փոխել կայքի լեզուն: Դուք կարող եք փոխել ինչպես Ձեր կառավարման վահանակի, այնպես էլ կայքի ինտերֆեյսի լեզուն:
Ձեր կառավարման վահանակի լեզուն փոխելու համար անհրաժեշտ է հետևել հետևյալ քայլերին՝
- Մուտք գործեք Ձեր կառավարման վահանակ
- Աջ հատվածից սեղմեք լեզվի նշանին և ընտրեք Ձեր լեզուն
Դուք կարող եք ընտրել հետևյալ լեզուներից՝ անգլերեն, ռուսերեն, հայերեն, գերմաներեն, ֆրանսերեն և իսպաներեն։
Անհրաժեշտ է ընտրել Ձեր նախընտրած լեզուն հետո սեղմել Պահպանել փոփոխությունները կոճակը։
Ինչպես փոխել կայքի ինտերֆեյսի լեզուն
Դուք կարող եք հեշտությամբ փոփոխել կայքի արտաքին տեսքի լեզուն ցանկացած լեզվով: Այն փոփոխելու համար անհրաժեշտ է ՝
- Կառավարման վահանակից ընտրել Կայքի կոնստրուկտոր բաժինը
- Այնուհետև Կայքի թարգմանություններ ենթաբաժինը
Աջ մասում կտեսնեք թարգմանությունների հատվածը։ Վերևի աջ հատվածից ընտրում եք Ձեր նախընտրած լեզուն,հետո սեղմում Թարգմանել և համակարգը ավտոմատ կերպով կթարգմանի ամբողջ կայքի ինտերֆեյսը։
Իսկ արդեն ներքևի հատվածում կտեսնեք բոլոր թարգմանված բառերն ու նախադասությունները։
Թարգմանությունները բաժանված են ըստ խմբերի,որտեղ ներառված են տվյալ էջի հետ կապ ունեցող բանալի բառերը կամ նախադասությունները և նրանց թարգմանությունները։
Ընտրելով Ձեր նախընտրած խումբը՝ կտեսնեք 2 սյունակ՝ ձախ մասում անփոփոխ բանալի բառերն են, իսկ աջ մասում արդեն կարող եք տեղադրել թարգամանության Ձեր տարբերակը։
Իսկ եթե ցանկանում եք արագ գտնել որևէ բառ, անհրաժեշտ է նույնությամբ տեղադրել Փնտրել դաշտում։
Աջ մասում կատարեք փոփոխությունները և սեղմեք Պահպանել։
Կարևոր է հիշել
- Եթե կատարում եք փոփոխություն, անհրաժեշտ է սպասել մի քանի վայրկյան, իսկ երբ վերևում տեսնեք այս ծանուցումը, կարող եք անցնել հաջորդ բառը թարգմանելուն։
- Եթե տեսնում եք նմանատիպ բառեր կամ արտահայտություններ,որոնք անավարտ են, ապա պետք է փնտրել նախադասության 2-րդ մասը։
- Եթե նախադասության մեջ տեսնում եք այսպիսի վերջակետով նշված անգլերեն բառեր,ապա թարգմանելիս անհրաժեշտ է այն թողնել նույնությամբ։ Քանի որ տվյալ անգլերեն բառը իր մեջ պարունակում է փոփոխական բառեր, որոնք փոխվում են ըստ Ձեր քոնթենթի
- Բառը չթարգմանելու դեպքում, կայքում կերևա անգլերեն տարբերակը
Եթե ունեք այլ հարցեր, ուղարկեք դրանք [email protected] էլ․հասցեին կամ սեղմեք կայքի ներքևի աջ անկյան չատի նշանին՝ Ձեր հարցը գրելու համար: