Որպեսզի Ձեր կայքը տեսանելի դարձնեք որոնողական համակարգերին, ավելի շատ այցելությունները ապահովեք և գտնեք նոր ուսանողներ ամբողջ աշխարհից, Դուք պետք է համոզվեք, որ հրապարակում եք բարձրորակ և օրիգինալ բովանդակություն:
Ահա մի քանի գործոններ, որոնք դուք պետք է հաշվի առնեք որոնման համակարգերի համար բովանդակությունը օպտիմալացնելիս:
- Բանալի բառերի հետազոտություն - Սկզբում անհրաժեշտ է գտնել այն հիմնական բառերն ու արտահայտությունները, որոնք Ձեր թիրախային լսարանն օգտագործում է հարցման մեջ և որոնում կատարելիս: Այնուհետև ներառել տվյալ բանալի բառերը Ձեր կոնտենտում:
- Ճիշտ ձևակերպված էջի հիմնական վերնագիր - Համոզված եղեք, որ էջի վերնագիրը համապատասխանում է բովանդակությանը, հնարավորինս լավ է նկարագրում այն, և կարճ է (առավելագույնը 60 նիշ)
- Բովանդակության վերնագիր և ենթավերնագրեր - Դասակարգեք Ձեր բովանդակությունը ըստ ենթավերնագրերի (H1, H2, H3, և այլն),որպեսզի այն դառնա արագ ընթեռնելի և արտահայտի բովանդակության կառուցվածքայնությունը:
- Մետա նկարագրություններ - Յուրաքանչյուր էջ ունենում է մետա նկարագրություն, որը որոնողին տալիս է պատկերացում ՝ արդյոք էջում կգտնի այն ինչ փնտրում է: Ուստի էջի այցելությունները բարձրացնելու համար անպայման ավելացրեք բովանդակությունը հնարավորինս բնութագրող և բանալի բառ պարունակող մետա նկարագրություն:
- Ներքին հղումներ - Համոզված եղեք, որ յուրաքանչյուր էջ պարունակում է հղում դեպի կայքի այլ էջ, կամ էջեր: Սա կօգնի որոնողական համակարգերին հասկանալ Ձեր կայքի կառուցվածքն ու ավելի արագ գտնել, սկանավորել և ինդեքսավորել կայքի էջերը:
- Նկարների օպտիմիզացիա - Էջում առկա նկարները պետք է պարունակեն Alt նկարագրություններ, որպեսզի նկարի բովանդակությունն ու նպատակն ավելի հասկանալի լինեն որոնողական համակարգերի, առանձին դեպքերում՝ նաև որոնողների համար:
- Որակյալ կոնտենտ - Ստեղծեք բովանդակությունը, որը լուծում է Ձեր թիրախ լսարանի խնդիրները և հնարավորինս պարզ ներկայացնում վերջիններիս հետաքրքող հարցերի պատասխանները:
- Կայքի արագություն - Համոզված եղեք, որ Ձեր կայքը և էջերը հնարավորինս զուրկ են տեխնիկական խնդիրներից, այդ թվում կայքի դանդաղ արագությունից, որպեսզի ապահովեք լավագույն փորձառությունը կայքի այցելուների համար:
- Արդյունքների մշտադիտարկում - օգտվեք արդյունքների գնահատման և վերլուծության գործիքներից, ինչպիսիք են օրինակ Google Search Console-ը և Google Analytics-ը: