Ինչպես ստեղծել թեստ

Թեստերը արդյունավետ և հետաքրքիր միջոց են ուսանողների գիտելիքները ստուգելու և նրանց հետ շփվելու համար։

Հետևեք ստորև նշված քայլերին՝ Ձեր ուսանողներին լիարժեք ուսուցման փորձ ապահովելու համար:

• Կառավարման վահանկից ընտրել ուսումնական նյութեր բաժինը 
• Ընտրեք «Թեստ» բաժինը:

Վերևի հատվածում կտեսնեք ֆիլտր բաժինը, որը հնարավորություն կտա ֆիլտրել թեստերը ըստ՝

• հեղինակի
• կարգավիճակի
• ամսաթվի (ավելի ուշ քան)
• ամսաթվի (ավելի վաղ քան)

Եթե ցանկանում եք հեռացնել ֆիլտրված տվյալները  սեղմեք «Հեռացնել» կոճակը:

Այս բաժնում կտեսնեք ստեղծված թեստերի ցանկը, վերնագրերը, հեղինակներին, ժամկետները, կարգավիճակը (սևագիր/հրապարակված/մասնակի փակ/փակ),ստեղծման ամսաթիվը և գործողությունները:

Թեստերի բաժնում ներառված գործողությունները հետևյալն են.

1. կրկնօրինակել տվյալ թեստը
2. պատճենել հղումը
3. Արդյունքները- Այս էջը ներառում է ուսանողի անունը, հարցեր/պատասխաններ/ճիշտ պատասխաններ, աղբյուրի տեսակները, կարգավիճակը (անցած կամ չհաջողած),թեստն անցնելու տևողությունը:
4. խմբագրել
5. ջնջել

Հարցերի թեգեր

Հարցերի թեգերը հնարավորություն է տալիս դասակարգել հարցերը թեստում՝ ավելի լավ կազմակերպման և որոնման համար: Սա շատ կարևոր է, երբ դուք ունեք հարցերի մեծ բազա։

Նոր թեստի ստեղծում

Նոր թեստ ստեղծելու համար սեղմեք «Ստեղծել նոր թեստ» կոճակի վրա

Թեստի հիմնական նկարագրություն

Դուք պետք է անցնեք 3 քայլ՝ նոր թեստ ստեղծելու համար։

1-ին քայլում լրացրեք ՝

1. Վերնագիրը
2. Նկար ( չափը պետք է լինի ոչ ավելի, քան 714 x 398 px)
3. Նկարագրությունը - ավելացրեք նկարագրություն, որպեսզի ուսանողները իմանան, թե ինչ է սպասվում թեստում:

Ստորև կարող եք տեսնել մի քանի կոճակներ, որոնք թույլ են տալիս փոփոխել թեստերը։

• Ավտոմատ ստուգում։ Միացրեք ավտոմատ ստուգման կոճակը, եթե ցանկանում եք, որ համակարգը ստուգի ուսանողների պատասխանները: Նկատի ունեցեք, որ «Ավտոմատ ստուգում» ընտրելիս չպետք է ներառեք տեքստային պատասխան պահանջող հարցեր: 
• Գրանցում չի պահանջվում։ Կոճակը ակտիվացնելու դեպքում ուսանողները կարող են անցնել թեստը առանց կայքում գրանցվելու: 
• Մեկ հարց։ Սա ընտրելու դեպքում թեստի հարցերը կերևան մեկ-մեկ, հերթականությամբ, հակառակ դեպքում՝ մեկ ընդհանուր էջի վրա։ 
• Փակել ճիշտ պատասխանները։ Ակտիվացնելով այս կոճակը, այն ուսանողները, ովքեր կանցնեն թեստը և կձախողվեն այն, չեն տեսնի ճիշտ և սխալ պատասխանները: 
• Տևողություն։ Ակտիվացնելով այս կոճակը,անհրաժեշտ է րոպեներով նշել ժամանակահատվածը, որի շրջանակներում ուսանողները պետք է ավարտեն թեստը։

Սահմանեք «Անցողիկ միավոր» տոկոսներով, որը նվազագույն շեմն է։ Այն հաղթահարելու դեպքում ուսանողը կհամարվի թեստը հաջողությամբ անցած։

Ընտրեք հեղինակին կամ ստեղծեք պրոֆիլը՝ սեղմելով համապատասխան հղմանը,որը Ձեզ ուղղորդելու է պրոֆիլի ստեղծման էջ։ Լրացրեք բոլոր անհրաժեշտ դաշտերը,պահպանեք և սեղմեք ստրորև պատկերված նշանին, առանց էջը փակելու դաշտը թարմացնելու համար։

Ընտրել Էջի տեսակը

Ընտրելով Էջի տեսակը սահմանում եք, թե ինչպես է թեստի բովանդակությունը ներկայացվում օգտատերերին: Ահա էջերի տարբեր տեսակները, որոնք կարող եք ընտրել.

Ուղղահայաց 

Այս տարբերակում ցուցադրվում են միայն թեստի հարցերը , որտեղ միայն թեստի հարցերն են մեկը մյուսի հետևից: Այս ձևաչափը հստակ է և պարզ՝  հաջորդաբար ուղղորդելով ուսանողին։

Եթե ընտրել եք  ուղղահայաց էջի տեսակը, կտեսնեք հարցի հետևյալ ոճը. 

Ընտրեք թեստի հարցերի տեսակներից մեկը և տեսեք պատասխանների դաշտերը, որտեղ հնարավորություն ունեք հարցին ,աուդիո, նկար կամ տեսանյութ ավելացնել: 

Ընտրեք նախօրոք ստեղծված թեգը կամ ստեղծեք նորը։  Հետո, թարմացրեք համապատասխան կոճակի միջոցով։

Թեստի ավտոմատ ստուգման տեսակի դեպքում համակարգը ստուգում է ուսանողների թեստի պատասխանները։

Իսկ հարցերում կարող եք ներառել պատասխանների հետևյալ տեսակները՝ 

• Ընտրովի
• Մեկ ճիշտ պատասխանի ընտրություն
• Բացվող
• Նկարի ընտրություն

Կարևոր նշում. ավտոմատ ստուգմումը աշխատում է միայն հարցերի այն տեսակների հետ, որոնց համար կարող եք նշել ճիշտ պատասխանը: Այսպիսով, երբ ընտրում եք կարճ, երկար կամ ֆայլի հարցերի տեսակները, համակարգը չի կարող ասել՝ պատասխանները ճիշտ են, թե սխալ: Այսպիսով, այն չի կարողանա ավտոմատ կերպով ստուգել և ցույց տալ արդյունքները հենց տեղում:

Այնուհետև Դուք պետք է լրացնեք պատասխանները, սահմանեք ճիշտ պատասխանը կամ ավելացնեք նորերը:Դուք կարող եք ջնջել պատասխանը՝ պարզապես սեղմելով «Ջնջել» նշանի վրա:

Նոր հարց ավելացնելու համար սեղմեք «Պահպանել և ավելացնել նորը» կոճակը:

Երբ ամեն ինչ պատրաստ է, սեղմեք «Պահպանել և շարունակել» կոճակը:

Թեստի ոչ ավտոմատ ստուգման տեսակի դեպքում  կարող եք ներառել պատասխանների հետևյալ տեսակները՝ 

• Ընտրովի 
• Մեկ ճիշտ պատասխանի ընտրություն 
• Բացվող 
• Կարճ տեքստ 
• Նկարի ընտրություն 
• Երկար տեքստ 
• Վերբեռնել ֆայլ

Կողային

Այս տարբերակում ավելացվում է հիմնական տեքստի դաշտ, որի վերաբերյալ տրվելու են հարցերը:

Աուդիո

Թեստում ներառված է աուդիո, որը կարելի է լսել միայն մեկ անգամ։

Էջի տեսակ ընտրելիս հաշվի առեք Ձեր թեստի բնույթը և այն, ինչն առավել հեշտ և հարմարավետ կլինի ուսանողների համար։

Պահպանե՛ք և անցեք առաջ։

Կարգավորումներ - Քայլ 3-րդ 

Երրորդ քայլում Դուք ընտրում եք Ձեր դասընթացի կարգավիճակը և գրում SEO մանրամասները։

Կարգավիճակի համար Դուք ունեք 3 տարբերակ.

• Սևագիր- Այս տարբերակն ընտրելու դեպքում թեստն ակտիվ չի լինի կայքում, բայց կպահպանվի կառավարման վահանակում
• Հրապարակված- Այս տարբերակն ընտրելու դեպքում թեստը հնարավոր կլինի օգտագործել կայքի տեսանելի տարբերակում
• Մասնակի փակ - Թեստին հասանելիություն կունենան միայն այն մարդիկ, ում Դուք կուղարկեք հղումը։

Ինչպես խառնել հարցերը և սահմանել միավորներ

Ակտիվացնելով այս կոճակը Ձեր թեստի հարցերը ամեն անգամ կհայտնվեն խառը հերթականությամբ։

Հարցերը խառնելու տեսակներն են ՝ 

• Բոլորը։ Այս տարբերակը խառնում է բոլոր առկա հարցերը:
• Սահմանափակ հարցերի խառնում։ Ընտրեք այս տարբերակը՝ հարցերը որոշակի քանակով սահմանափակելու համար:
• Ընտրեք այս տարբերակը՝ հարցերը ըստ թեգերի խառնելու համար:

Բոլորը

Երբ այս տարբերակը ընտրված է, այն խառնում է թեստում առկա բոլոր հարցերը: Սա նշանակում է, որ ամեն անգամ, երբ օգտատերը անցնում է թեստը, նրանք հարցերը կտեսնեն խառը հերթականությամբ: Սա օգնում է կանխել հարցերի կարգի հիշողությունը և խրախուսում է նյութի յուրացումը։

Սահմանափակ հարցերի խառնում

Ընտրելով սահմանափակ խառնում տարբերակը, դուք կարող եք սահմանափակել հարցերի խառնումը՝ որոշակի թվով: Ընտրելուց հետո, պետք է նշեք "Պատահական հարցերի քանակը" դաշտում հարցերի թիվը։

Սահմանափակ հարցերի խառնում ըստ թեգերի

Այս տարբերակը թույլ է տալիս խառնել հարցերը թեգերի մեջ և սահմանել միավորներ: 

Սա հատկապես օգտակար է, երբ հարցերը դասակարգել եք ըստ թեմայի, բարդության կամ ցանկացած այլ անհատական համակարգի: Օրինակ, եթե դուք թեգավորել եք որոշ հարցեր որպես "Սկսնակ" և մյուսները որպես "Բարդ", դուք կարող եք ապահովել, որ թեստը դինամիկ կերպով կազմվի հավասար հարցերով յուրաքանչյուր կատեգորիայից: 

Ընտրելուց հետո, դուք պետք է մուտքագրեք հարցերի քանակը, որը ցանկանում եք ընտրել յուրաքանչյուր թեգից և սահմանել դրանց միավորներ։

SEO մանրամասներ

SEO հատվածը բաղկացած է 3 մասից՝

Մետա վերնագիր – Ձեր էջի վերնագիրն է։ Օրինակ, եթե Ձեր թեստը վերնագրել եք  “անգլերեն սկսնակների համար, այստեղ կարող եք գրել “անգլերենի թեստ սկսնակների համար։ 

Մետա նկարագրություն -  Սա Ձեր էջի կարճ նկարագրությունն է մեկ-երկու նախադասությամբ։ Օգտագործեք հիմնաբառեր։ Մի անտեսեք այս հատվածը, քանի որ դրանց օգնությամբ է Ձեր կայքը հայտնվում և դասակարգվում որոնողական համակարգերում (Google, Yandex և այլն)։ 

Մետա բանալի բառեր - հիմնաբառերն այն բառերը, բառակապակցություններն ու երբեմն նախադասություններն են, որոնք մարդիկ փնտրում են Գուգլում կամ այլ որոնողական համակարգերում։ Օրինակ կարող են փնտրել “անգլերենի դասընթացներ, ինչպես սովորել անգլերեն մեկ ամսում” և այլն։ Այս հատվածում պետք է գրել հենց այդ արտահայտությունները, որոնք մարդիկ կարող ենք օգտագործել Ձեր կուրսը փնտրելիս։ 

Այստեղ կարող եք տեսնել նաև «Ջնջել թեստը» կոճակը: Հաշվի առեք, որ Դուք կարող եք ջնջել թեստը, բայց թեստն անցած ուսանողները կշարունակեն հասանելիություն ունենալ թեստի իրենց արդյունքներին։

Ինչպես ավելացնել թեստը վիդեոդասին